वीरगन्ज, २९ जेठ । पर्साको जगरनाथपुरमा गाडिएको अवस्थामा दुईवटा शव भेटिएको छ ।
जगरनाथपुर गाउँपालिका वडा नम्बर १ विसनपुरुवाबाट भारतको नगरदाहतर्फ जाने बाटोको ओरिया खोला नजिकै नेपाल भारत सीमा दशगजाको ४२१/५ नम्बरको सीमास्तम्भ नजिकै दुईवटा शव गाडिएको अवस्थामा फेला परेको हो ।
सशस्त्र प्रहरी र भारतीय सीमा सुरक्षा बल एसएसबीको संयुक्त गस्ती टोलीले गस्ती गर्ने क्रममा शव गाडेको स्थानमा स्यालले खोतलेको भेटेपछि गएर हेर्दा शव फेला परेको हो ।
घटनाको जानकारी पाएपछि इलाका प्रहरी कार्यालय पटेर्वा सुगौलीका प्रहरी निरीक्षक मोहनजंग बुढा थापाको नेतृत्वमा गएको प्रहरी टोलीले शव खनेर निकालेको छ । शव अन्दाजी ३५ बर्षको युवाको रहेको प्रहरीको भनाई छ ।
अर्को शव भने खन्न बाँकी रहेको छ । जिल्ला प्रहरी कार्यालय पर्साबाट पनि अनुसन्धान अधिकृतहरुको टोली सहित घटनास्थलमा गईरहेको र पुगेपछि गाडिएको अवस्थामा रहेको शव निकाल्ने इलाका प्रहरी कार्यालय पटेर्वा सुगौलीका प्रहरी निरीक्षक थापाले बताउनुभयो ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
