वीरगञ्ज ,३० जेठ । सशस्त्र प्रहरीले पर्साको वीरगञ्ज महानगरपालिका वाड नं.१६ भन्सार मेनगेट ईलाकाबाट स्रोत नखुलेको रकम सहित एकजनालाई पक्राउ गरेको छ ।
प्रस्तावित सीमा सुरक्षा गुल्म वीरगञ्जबाट खटीएको टोलीले भारतको रक्सौलबाट वीरगञ्जतर्फ आउदै गरेका भारतको पूर्वी चम्पारणका अन्दाजी ३३ बर्षका राहुल कुमारलाई स्रोत नखुलेको ६ लाख नेपाली रूपैया सहित पक्राउ गरेको हो ।
भारतको रक्सोलबाट बिर.०६ एआर.९४११ नम्बरको मोटरसाइकलमा आएका राहुल कुमारलाई रोकेर जाँच गर्दा उनले लगाएको हेल्मेट भित्र लुकाई ल्याएको ६ लाख श्रोत नखुलेको नेपाली रुपैयाँ फेला परेको सशस्त्र प्रहरी बल नेपाल नम्बर १३ गण हेडक्वाटर पर्साका गणपति सशस्त्र प्रहरी उपरीक्षक राधेश्याम धिमालले जानकारी दिनुभयो ।
नगद रूपैयाँ र मोटरसाइकल सहित नियन्त्रणमा लिएका राहुल कुमारलाई आवश्यक कारवाीको लागि बिरगंज भन्सार कार्यालयमा बुझाईएको सशस्त्र प्रहरी उपरीक्षक धिमालले बताउनुभयो ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
