३० जेठ, वीरगञ्ज । अत्यधिक गर्मीसँगै तराई मधेसमा सर्पदशंका घटनाहरु पनि बढ्न थालेका छन् । सरकारी अस्पतालहरुमा सर्पदंशका बिरामीहरुको संख्या बढ्ने क्रममा रहेको चिकित्सकहरुले जनाएका छन् ।
वीरगञ्जको नारायणी अस्पतालका बरिष्ठ फिजिसियन डाक्टर उदयनाराया सिंहका अनुसार सर्पदंशका कारण विशेषगरी बालबालिकाहरु प्रभावित छन् । नारायणी अस्पतालमा मात्रै औसतमा दैनिक १० जनाभन्दा बढी सर्पदंशका बिरामीहरु उपचारका लागि आउने गरेको डाक्टर सिंहले जनाए ।
सर्पदंशबाट पर्सामा दुईदिन अघि मात्र एकजनाको मृत्यु समेत भएको थियो । जेठ २९ गते पर्साको जीराभवानी गाउँपालिकामा एकजनाको सर्पदशंबाट मृत्यु भएको हो ।
हाल थप २–३ जना सर्पदशंका गम्भिर अवस्थाका बिरामीको अस्पतालमा उपचार भइरहेको उनले बताए । सर्पदंशबाट बच्नका लागि सावधानी अपनाउन र सर्पले डसिहाले समयमा अस्पताल पु¥याउन आग्रह गरेका छन् ।
अहिले अत्यधिक गर्मीले जमिनमुनीको समेत तापक्रम बढेको र सर्प शितल खोज्दै जमिन बाहिर वा दुलो बाहिर निस्किएर सुरक्षित स्थान खोज्दै हिड्दा विशेष गरी तराई मधेशका स्थानीयलाई सर्पले डस्ने गर्दछ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
