सेढवा,३२ जेठ । पर्साको जगरनाथपुर गाउँपालिकामा नुहाउने क्रममा डुबेर एकजना नाबालकको ज्यान गएको छ । गाउँपालिकामा सिँचाइ गर्न बनाइएको साइफनमा नुहाउने क्रममा डुबेर एकजना नाबालकको ज्यान गएको हो ।
गाउँपालिकाको वडा नम्बर १ पिडारीगुठीको पश्चिमपट्टी रहेको चमरी खोलाको साइफनमा डुबेर एकजना नाबालकको मृत्यु भएको हो । स्थानिय जग्गा राउत गद्दीको ८ वर्षीय छोरा अब्दुल कलाम गद्दीको मृत्यु भएको ईलाका प्रहरी कार्यालय पटेर्वासुगौलीका प्रहरी निरीक्षक मोहनजंग बुढाथापाले जानकारी दिए ।
उनी आफ्नै गाउँका साथिहरुसँग नुहाउन गएको र नुहाउने क्रममा उनी डुबेपछि साथीहरूले गाउँमा हल्ला गरेका थिए । त्यसलगत्तै स्थानीय र प्रहरी पुग्दा गद्दीको मृत्यु भइसकेको प्रहरीले जनायो ।
मृतकको शव पोष्टमार्टमका लागि वीरगञ्जको नारायणी अस्पतालमा पठाइएको र घटनाबारे अनुसन्धान भइरहेको प्रहरी निरीक्षक थापाले बताए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
