सर्लाही,११ असार । सर्लाहीबाट कटुवा पेस्तोलसहित एकजना पक्राउ परेका छन् । जिल्लाको लालबन्दी नगरपालिका वडा नम्बर १५ बोहोरेडाँडाबाट पेस्तोलसहित एक जना पक्राउ परेका हुन् ।
पक्राउ पर्नेमा स्थानीय ५० वर्षीय रामलाल मोक्तान रहेका प्रहरीले जनाएको छ । इलाका प्रहरी कार्यालय लालबन्दी र मधेस प्रदेश प्रहरी कार्यालय जनकपुरबाट खटिएको संयुक्त प्रहरीको टोलीले मोक्तानलाई घरबाटै पक्राउ गरेको हो । मोक्तानले आफ्नै घरमा लुकाइछिपाइ राखेको एक थान पेस्तोलसहित पक्राउ गरिएको मधेश प्रदेश प्रहरीले जनाएको छ ।
उनको साथबाट १ वटा भारतीय नम्बर प्लेटको मोटरसाइकल र ओप्पो मोडलको १ थान मोबाइलसमेत बरामद भएको प्रदेश प्रहरीका प्रवक्ता सुवाष चन्द बोहराले बताए ।
मोक्तानलाई सर्लाही जिल्ला अदालतबाट हातहतियार तथा खरखजना मुद्दामा पाँच दिनको म्याद लिएर अनुसन्धान अघि बढाइएको प्रहरीले जनायो ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
