वीरगञ्ज १५, असार। वीरगञ्ज महानगरपालिकाका उपप्रमुख इम्तियाज आलमले किसानको विकास भए मात्र देशको विकास हुने बताएका छन् ।
वीरगञ्ज महानगरपालिकाद्वारा महानगरको २७ उदयपुरघुर्मीमा २१ औं राष्ट्रिय धान दिवसको अवसरमा आयोजित जलवायु मैत्री कृषि धान उत्पादन विषयक कार्यक्रम उपप्रमुख आलमले यस्तो बताए ।
उनका अनुसार देश कृषि प्रधान देश रहेको सर्वविदित्तै छ । तर किसानहरुलाई खेतीपातीमा समस्या हुने भनेको पनि यही देशमा बढी हुने गरेको उनी बताउँछन् ।
त्यतिमात्र नभइ किसानको मिहिनेत कदरसमेत नहुने गरेको उनको टिप्पणी छ । धान दिवसको शुभकामना दिँँदै उपप्रमुख आलमले किसानको हरेक काममा महानगर हातेमालो गर्न तयार रहेको प्रतिबद्धता जनाए ।
कृषि क्षेत्रमाा लगानी गर्न जस्तो सुकै कार्यक्रममा महानगर सहयोग गर्न तयार रहेको बताउँदै उपमेयर आलमले सबै कृषकलाई खेती गर्न नछोड्न आग्रह गरे ।
महानगरपाालिकाले कृषि क्षेत्रमा योगदान पु¥याएका किसानहरु नगद तथाा कदरपत्रसहित सम्मानित पनि गरेको थियो ।
वडाअध्यक्ष हृदयनारायण कुर्मीको अध्यक्षतामा भएको कार्यक्रममा महानगरका प्रमुख प्रशासकीय अधिकृत मातृका भट्टराइ, हरिशंकर कुर्मी, रामकुमार कुशवाहा, रुपनारायण राउत कृषि शाखा प्रमुख रोशनी तिवारी लगायतको सहभागीता थियो ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
