वीरगञ्ज ,१७ असार। नेपाल प्रेस युनियन पर्सा शाखाले धर्ना सुरु गरेको छ । नेपाल पत्रकार महासंघ पर्सा शाखा अगाडी युनियन पर्साले धर्ना सुरु गरेको हो ।
नेपाल पत्रकार महासंघले सदस्यता विवाद टुङगो नलगाइ विधानविपरीत जबरजस्ती निर्वाचन गर्न खोजेपछि प्रेस युनियन केन्द्रीय कार्यालयले आन्दोलन गर्ने निर्णय गरेको थियो । सोही निर्णय बमोजिम धर्नामा उत्रिएको प्रेस युनियन पर्साका अध्यक्ष बिजय चौहानले जनाए ।
उनका अनुसार कार्यक्रम अन्र्तगत आज २ घण्टा पत्रकार महासंघ पर्सा शाखा अगाडी धर्नामा बस्नेछ । धर्ना कार्यक्रममा प्रेस युनियनका केन्द्रीय सदस्य श्रीराम रायमाझी र निलिमा पौडेल, प्रेस युनियन पर्सा शाखा अध्यक्ष चौहानसहित, उपाध्यक्षद्वय क्रान्ति साह, अलि असगर देवान, सदस्यहरु राहुल गुप्ता, उदय दास थारु लगायतको उपस्थिती रहेको छ ।
त्यसअघि यहि असार १५ शनिबार नेपाल प्रेस युनियन पर्सा शाखाले पत्रकार महासंघ पर्सामा तालाबन्दी गरेको थियो । सदस्यता जस्तो विषयमा पत्रकार महासंघको केन्द्रीय कार्यालयबाट खेलाँँची गरिएको र मनपरी भइरहेको भन्दै त्यस्ता त्रुटिहरुलाई सुधार गर्न प्रेस युनियनले माग गरेको छ ।
त्रुटि नसच्चयाएसम्म आन्दोलन जारी रहने नेपाल प्रेस युनियन पर्सा शाखाले जनाएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
