वीरगञ्ज ,१७ असार। पर्सामा मोटरसाइकलको ठक्करबाट एकजना पैदलयात्री महिलाको मृत्यु भएको छ । वीरगञ्जसंग सीमा जोडिएको गण्डकचोकमा एस्कुटरको ठक्करबाट एक महिलाको मृत्यु भएको पर्सा प्रहरीले जानकारी दिएको छ ।
प्रहरीका अनुसार मृत्यु हुनेमा महानगरको वडा नम्बर २८ की ३५ वर्षीया गीता देबी रहेकी छन् । परवानीपुरबाट बीरगन्जतर्फ आइतबार साँझ आउँदै गरेको मधेश प्रदेशको ०३–०२७ प ८०९३ नम्बरको स्कुटरले ठक्कर दिँदा देबी गम्भीर घाइते भएकी पर्सा प्रहरी प्रवक्ता दीपक भारतीले बताए ।
त्यसपछि उपचारको क्रममा उनको मृत्यु भएको पर्सा प्रहरीले जानकारी दिएको छ । ठक्कर दिने चालकलाई थप अनुसन्धानको लागि बारा जिल्ला प्रहरी कार्यालयमा पठाइएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
