वीरगञ्ज ,१७ असार । वीरगञ्ज महानगरपालिकामा एक जना ५ वर्षीया नाबालिका बलात्कृत भएकी छिन् । महानगरको वडा नम्बर १३ निवासी एक ५ वर्षीया नाबालिका बलात्कृत भएकी हुन् ।
घरमा कोही नभएको मौका छोपी एक युवकले ती नाबालिकाको बलात्कार गरेको घटना बाहिरिएको छ । ललाइफकाइ गरेर ती नाबालिकालाई युवकले बलात्कार गरेको प्रहरीले जनाएको छ । दिदीको डेरामा बस्दै आएका २५ वर्षीय युवकले तीन दिन अगाडि त्यही घरमा बस्ने ५ वर्षीया नाबालिकाको बलात्कार गरेको स्रोतले जनाएको छ ।
कामको सिलसिलामा बाहिर रहेका बुवा घरमा आएपछि नाबालिकाकी आमाले घटनाबारे प्रहरीलाई जानकारी गराएपछि मात्र बलात्कारको घटना उजागर भएको हो । जिल्ला प्रहरी कार्याालय पर्साका प्रहरी प्रमुख एसपी कुमोध ढुंगेलले बलात्कार घटनाबारे आज प्रहरीमा उजुरी आएको पुष्टि गरे ।
घटनाबारे अनुसन्धान भइरहेको र मुद्दा दर्ता प्रक्रियामा अगाडि बढिसकेको उनले बताए । यसैबिच घटनाबारे उजुरी आएलगत्तै आरोपित युवकलाई पक्राउ गरिसकेको प्रहरी स्रोत बताउँछ । पक्राउ पर्नेमा आरोपित वीरगञ्ज–३१ निवासी निरञ्जन मण्डल रहेको प्रहरी स्रोतले जनायो ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
