वीरगञ्ज ,१८ असार । नेपाली काग्रेंसका वरिष्ट नेता शेखर कोइरालाले वीरगञ्जमा गिरिजाप्रसाद कोइरालाको पूर्णकदको शालिक अनावरण गरेका छन् । वीरगञ्ज महानगरपालिका वडा नम्बर २ इदगाहचोकमा पूर्वप्रधानमन्त्रीसमेत रहेका कोइरालाको पूर्णकदको शालिक अनावरण गरेका हुन् ।
स्वर्गीय कोइरालाको १०१ औँ जन्मजयन्तीको अवसरमा आज शालिक अनावरण गरेको जनाइएको छ । नेपाली कांग्रेस क्षेत्रीय कार्य समिति क्षेत्र नं. २ पर्साको आयोजन एवम् गिरिजा प्रसाद कोइराला फाउण्डेशनको सहयोगमा शालिक अनावरण गरिएको हो ।
मधेश आन्दोलनका क्रममा छपकैयास्थित कोइरालाको शालिकमा तोडफोड भएको थियो । सोही स्थानमा उनको शालिक पुर्नस्थापना गरी आज अनावरण गरिएको हो ।
नेपाली कांग्रेस क्षेत्र नं २ पर्साका सभापति तथा जिपी कोइराला फाउण्डेशनका मधेस प्रदेश अध्यक्ष महम्मद सहावुद्दिनले मधेस आन्दोलनका क्रममा भत्काइएको सालिक भएकै ठाउँमा स्वर्गीय कोइरालाको नयाँ सालिक पुर्नस्थापना गरी अनावरण गरिएको बताए ।
प्रदेश सरकारको १६ लाख रुपैँयाको बजेटमा कोइरालाको शालिकसहित अन्य संरचना तयार पारिएको नेपाली काग्रेंस पर्साले जनाएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
