वीरगञ्ज ,१९ असार । सशस्त्र प्रहरी पर्साले २३ कार्टुन चल्ला बरामद गरी नष्ट पारेको छ । सशस्त्र प्रहरीको बिओपी अमरपट्टीबाट खटिएको टोलीले विन्दवासिनी गाउँपालिका वडा नम्बर ४ ईटियाहि चोकबाट भन्सार छलीका कुखुराका चल्ला बरामद गरेको थियो ।
भारतबाट अवैध रुपले मोटरसाइकलमा ल्याउँदै गरेको अवस्थामा २ लाख ३० हजार मूल्य बराबरका २ हजार ३०० गोटा बोइलर कुखुराको चल्ला बरामद गरेको सशस्त्र प्रहरी पर्साका प्रहरी नायब उपरिक्षक देवेन्द्र सिंहले जानकारी दिए । बरामद कुखुरा बिओपी अमरपट्टीको चौरमा नेपाल प्रहरी, सञ्चारकर्मी, पशु क्वारेन्टाइन र भद्रभलादमीको रोहवरमा खाल्डोमा पुरेर नष्ट पारेको उनले बताए ।
यस्तै नियन्त्रणमा लिएको मोटरसाइकलको मूल्यांकन १ लाख २५ हजार रुपैँया कायम गरी आवश्यक कारवाहीका लागि वीरगन्ज भन्सार कार्यालयको जिम्मा लगाएको सशस्त्र प्रहरी पर्साले जनाएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
