वीरगञ्ज ,२१ असार। मधेश प्रदेश सभाको बैठक भोली बिहान फेरी बस्ने भएको छ । राजस्व र व्ययको अनुमानमाथिको सामान्य छलफलका लागि आह्वान गरिएको आजको बैठकमा केही सांसदहरुले आफ्ना धारणा राखेपछिसभामुख रामचन्द्र मण्डलले भोलीसम्मका लागि बैठक स्थगित भएको घोषणा गर्नुभयो ।
राजस्व र व्ययमको अनुमानमाथिको छलफल जारी रहने जानकारी गराउदै भोली बिहान ११ बजेका लागि स्थगित भएको घोषणा गर्नुभएको हो । यसअघि आज बोलाईएको बैठकको शुरुवातमा विपक्षी दलहरुको अवरोधका कारण बैठक बस्न ढिलाई भएको थियो ।
विपक्षी दलको अवरोधका कारण सभामुख रामचन्द्र मण्डलले १० मिनेटका लागि स्थगित गर्नुभएको बैठक झण्डै पौने १ घण्टापछि मात्र सुरु भएको हो । बैठकमा बजेट पुनर्लेखनको माग गर्दै विपक्षी दलहरुले सदनको बैठकमा विरोध जनाएपछि केहीबेर संसद अवरुद्ध भएको थियो ।
आगामी आर्थिक वर्षको लागि जारी गरिएको रेडबुकमा नै पुनर्लेखनको माग गर्दै ४ वटा विपक्षी दलले सदनको बैठक अवरोध गरेपछि सभामुख रामचन्द्र मण्डलले १० मिनेटका लागि बैठक स्थगित गर्नुभएको थियो । प्रदेश सभामा विपक्षी दलहरु कांग्रेस, जसपा, लोसपा र राप्रपाले आगामी आर्थिक वर्षको बजेटमा संशोधनको माग गर्दै विरोध जनाएका थिए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
