वीरगञ्ज, २७ असार । बारामा यात्रुवाहक बस दुर्घटनामा परेको छ । बाराको जितपुरसिमरा उपमहानगरपालिका वडा नम्बर १६ पसाहास्थित आज बस दुर्घटनामा परेको हो ।
मलङगवाबाट वीरगञ्जका लागि छुटेको ना ४ ख ७१९४ नम्बरको बस दुर्घटनामा परेको राजमार्ग सुरक्षा तथा ट्राफिक व्यवस्थापन कार्यालय पथलैयाका प्रहरी उपरिक्षक एसपी भीमकिरण बोगटीले पुष्टि गर्नुभयो । सडकमा गुडीरहेको बसले अर्को सवारीलाई उछिन्न खोज्दा अनियन्त्रित भइ चिप्लिएर दुर्घटना भएको उहाँको भनाई छ ।
दुर्घटनामा परी ८÷९ जना यात्रु घाइते भएको छ । उनीहरुको प्राथमिक स्वास्थ्य चौकी सिमरा तथा अल्पाइन अस्पताल सिमरामा उपचार भइरहेको एसपी बोगटीले बताउनुभयो ।
यसैबिच इलाका प्रहरी कार्यालय सिमराले बसका सहचालकलाई नियन्त्रणमा लिएको छ । चालक भने घटना भएलगत्तै फरार भएकाले उनको खोजी भइरहेको प्रहरीले जनाएको छ ।
घटनाबारे आवश्यक अनुसन्धान भइरहेको प्रहरीले जनाएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
