२८ असार, वीरगञ्ज । नारायणगढ–मुग्लिन सडकको सिमलतालमा गएको पहिरोको लेदोले बगाएको एञ्जल बसमा सखुवा प्रसौनीका एकैपरिवारका ३ जना सहित पाँचजना परेका छन् ।
आज बिहान तीन सिमलतालमा गएको लेदो सहितको पहिरोमा वीरगन्जबाट काठमाडौं गईरहेको एञ्जल डिलक्स बसमा सवार सखुवा प्रसौनी गाउँपालिकाका दुई स्वास्थ्यकर्मी र एकै परिवारका तीनजना परेका सखुवा प्रसौनी गाउँपालिकाका अध्यक्ष जसवन्त यादवले जानकरी दिनुभयो ।
उहाँका अनुसार एञ्जल बस दुर्घटनामा सखुवा प्रसौनी गाउँपालिका वडा नम्बर २ जमुनियाका एकै परिवारका तीनजना परेका छन् । जमुनियाका हृदयनारायण चौधरी थारु, उहाँकी श्रीमती भगवती थरुनी र छोरी चन्द्रप्रभा रहेका छन् ।
उनीहरु तीन जनाको परिवार उपचारका लागि काठमाडौं गएको जानकारीमा आएको गाउँपालिका अध्यक्ष यादवले बताउनुभयो ।
स्वास्थ्यकर्मीहरुमा सखुवा प्रसौनी गाउँपालिकाको अस्पतालमा कार्यरत रेडियो ग्राफर कलैया उपमहानगरपालिकाकी श्रृष्टि यादव र ल्याब असिस्टेण्ट सखुवा प्रसौनी गाउँपालिका वडा नम्बर ३ कटैयाका रैफल अन्सारी रहेका छन् ।
घटनाको जानकारी पाएपछि गाउँपालिका अध्यक्ष यादव सहितको टोली घटनास्थलतर्फ हिडेको उहाँले बताउनुभयो । सिमलताल पहिरोमा परेका बसमा सवार तीनजना भने हामफालेर बचेका छन् ।
उनीहरुको भरतपुर स्थित चितवन मेडिकल कलेजमा उपचारका लागि पठाईएको बाग्मती प्रदेशका सशस्त्र प्रहरी नायव महानिरीक्षक(डीआईजी) गणेश ठाडा मगरले जानकारी दिनुभयो ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
