वीरगञ्ज ,३० असार । भारतको राजस्व खुफिया निर्देशनालय (डि.आर.आइ) पटनाको बिभागले २ किलो सुन सहित ४ जनालाई आफ्नो नियन्त्रणमा लिएको छ । शनिबार पटनाको डि.आर.आइ बिभागले वीरगञ्जको मुख्य भन्सार हुँदै रक्सौल प्रवेश गर्ने स्कार्पियोबाट २ किलो सुन सहित १ महिलासहित ४ जनालाई आफ्नो नियन्त्रण लिएको हो ।
विशेष सूचनाको आधारमा पटनाबाट खटिएको बिभागले युपी ५० सिएस ००५० नम्बरको स्कार्पियोलाई खानतलासी गर्दा सुनसहित ४ जनालाई नियन्त्रणमा लिएको डि.आर.आइले जनाएको छ । बिभागका अनुसार दुबईबाट काठमाडौ हुँदै वीरगञ्जको नाका भएर रक्सौल बिहारको बाटो प्रयोग गरी तस्करहरुले आफ्नो संजाल दिल्ली सम्म फैलाइएको सूचना पाएपछि भारतको राजस्व खुफिया निर्देशनालयले आफ्नो संयन्त्र परिचालन गरेको थियो ।
प्राप्त सूचनाको आधारमा परिचालन गरेको संयन्त्रले सुन सहित तस्करहरुलाई पक्राउ गर्न सफल भएको डिआरआईका अधिकारीहरुले बताएका छन् । भारतीय स्कार्पियोमा २ किलो सुन सहित चारजना पक्राउ परेपछि नेपालबाटै भारतर्फ सुन तस्करी हुने गरेको रहस्य खुलासा भएको छ । वीरगञ्ज नाकाबाट रक्सोल प्रवेश गरेको स्कार्पियोबाट २ किलो सुन बरामद हुनुले तस्करहरुले वीरगन्ज नाकालाई सुन तस्करीको सहज नाका मानेको अनुमान गरिएको छ ।
नेपाल प्रहरी र सीमा सुरक्षाका लागि खटिएको सशस्त्र प्रहरीको पनि आँखा छलेर वीरगञ्जबाटै रक्सोल सुन सहित भारतीय स्कार्पियो गाडी सहज प्रवेश हुनुले पनि सुन तस्करी अझै रोकिएको छैन भन्ने शंकाको सुविधा दिएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
