काठमाडौं ,३१ असार। भारतीय प्रधानमन्त्री नरेन्द्र मोदीले नेपालका नवनियुक्त प्रधानमन्त्री केपी शर्मा ओलीलाई बधाई दिएका छन् ।राष्ट्रपतिको कार्यालय शीतल निवासमा शपथ ग्रहण समारोह चलिरहेका बेला मोदीले सामाजिक सञ्जाल एक्सबाट ओलीलाई बधाई दिएका हुन् ।
मोदीले दुई देशबीचको मित्रतालाई थप बलियो बनाउन नजिकबाट काम गर्न आफू तयार रहेको बताएका छन्। ओलीको कार्यकालमा दुई देशबीचको सम्बन्ध थप सुदृढ हुनेमा विश्वास उनले व्यक्त गरेका छन्।
‘नेपालको प्रधानमन्त्रीको रुपमा तपाईंको नियुक्तिका लागि हार्दिक बधाई’, मोदीले भनेका छन्, ‘हाम्रा दुई देशबीचको मित्रताको गहिराईलाई अझ सुदृढ गर्न र हाम्रा जनताको प्रगति र समृद्धिका लागि पारस्परिक लाभकारी सहयोगलाई अझ विस्तार गर्न हामी नजिकबाट काम गर्न तत्पर छौँ।
’मोदीले बधाई दिएको आधा घण्टापछि मात्रै शीतल निवासमा ओलीले राष्ट्रपति रामचन्द्र पौडेलबाट पद तथा गोपनीयताको शपथ लिएका छन् ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
