काठमाडौं ,३१ असार। परराष्ट्रमन्त्री आरजु राणा देउवालाई भारतीय समकक्षी एस जयशंकरले बधाई दिएका छन्।
सोमबार परराष्ट्रमन्त्री आरजुले शपथ ग्रहण गरेसँगै भारतीय विदेशमन्त्री जयशंकरले सामाजिक सञ्जाल एक्स (ट्विटर)मार्फत बधाई दिएका हुन्।
‘नेपालको परराष्ट्रमन्त्रीको रुपमा नियुक्त हुनुभएकोमा आरजु राणा देउवालाई हार्दिक बधाई। बहुआयामिक साझेदारीलाई अघि बढाउन तपाईसँग मिलेर काम गर्न तत्पर छु,’ जयशंकरले लेखेका छन्।
त्यस्तै यसअघि भारतीय प्रधानमन्त्री नरेन्द्र मोदीले पनि नवनियुक्त प्रधानमन्त्री केपी शर्मा ओलीलाई बधाई दिएका थिए। उनले दुई देशबीचको मित्रताको गहिरो सम्बन्धलाई थप बलियो बनाउन र जनताको प्रगति र समृद्धिका लागि पारस्परिक सहकार्य गर्ने बताएका थिए।
Congratulate Arzu Rana Deuba on your appointment as the Foreign Minister of Nepal.
Look forward to working with you to enhance 🇮🇳🇳🇵multifaceted partnership.
— Dr. S. Jaishankar (@DrSJaishankar) July 15, 2024
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
