१ साउन,वीरगञ्ज । पर्साको पटेर्वा सुगौली गाउँपालिका–४ देउरियामा बोराभित्र राखिएको अवस्थामा २० किलोग्राम चरेस बरामद भएको छ ।
जिल्ला प्रहरी कार्यालय पर्साका अनुसार करिब २० किलोग्राम लागु औषध चरेस गएराति बरामद गरेको हो । इलाका प्रहरी कार्यालय पटेर्वा सुगौलीबाट खटिएको टोलीले गस्ती गर्ने क्रममा हनुमान मन्दिरको छेउमा बोराभित्र रहेको चरेस बरामद गरेको प्रहरी निरीक्षक मोहन बुढा थापाले बताए ।
उहाँका अनुसार चरेस लिएर आउदै गरेको सूचना पाएपछि गस्तीमै रहेको प्रहरी खेतको बाटो गईरहेको अवस्थामा चरेस बोक्ने व्यक्ति आईरहेको र प्रहरीलाई देखेपछि चरेस छोडेर भागेका छन् ।
खेतको आलीमा प्रहरी लुकेर बसेको भन्ने सुईको चरेस तस्करले थाहा पाएपछि चरेस फालेर फरार भएको प्रहरीले बताएको छ । बरामद चरेसको ओसारपसारमा संलग्नको खोजी भइरहेको जिल्ला प्रहरी कार्यालय पर्साले बताएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
