वीरगञ्ज ,७ साउन। वीरगञ्जको नेशनल मेडिकल कलेज प्रा.लि.र ज्ञानदा एकाडेमीबीच ब्यापारिक साझेदारी सम्बन्धी सम्झौता भएको छ । नेशनल मेडिकल कलेज प्रा.लि. वीरगञ्जस्थित कार्यालयमा साउन ७ मा यो सम्झौता सम्पन्न भएको हो ।
उक्त सम्झौता पत्रमा वीरगञ्जस्थित नेशनल मेडिकल कलेजका प्रबन्ध निर्देशक (एमडी) शाहनवाज अन्सारी र ज्ञान्दा एकाडेमी प्रा.लि.को तर्फबाट प्रबन्ध निर्देशक राजेन्द्र कोइरालाले हस्ताक्षर गरेका छन् ।
सम्झौता पश्चात वीरगञ्जको नेशनल मेडिकल कलेज प्रा.लि.मा कार्यत कामदारका छोराछोरीलाई ज्ञानदा एकेडेमीमा पढाउँदा बिशेष छुट प्रदान गरिने कलेजका प्रबन्ध निर्देशक (एमडी) शाहनवाज अन्सारी बताए । यसका साथै बिभिन्न टिम बनाई खेलको अभ्यासको लागी प्रयास गरिने उनले बताए ।
वीरगञ्जको शिक्षा, स्वास्थ्य र खेलकुदमा कसरी विकास गर्न सकिन्छ भन्ने आफ्नो सोचमा आएकोले ज्ञानदा एकेडेमीसँग शिक्षा र स्वास्थ्यसँगसँगै लाने सम्झौता गरिएको बताए । मेडिकल कलेजका जति विद्यार्थीहरु छन् उनीहरुलाई कसरी समावेश गरेर जान सकिन्छ भन्ने विषयमा ज्ञानदा एकेडेमी र मेडिकल कलेजबीच आपसी छलफलबाट सम्झौता गरिएको बताए ।
स्वास्थ्यमा सबैलाई सचेत कसरी बनाउने ? स्वास्थ्य भनेको के हो भन्ने विषयलाई शिक्षा मार्फत जनचेतना जगाउन ज्ञानदा एकेडेमीसँग सहकार्य गरिएको बताए ।
ज्ञानदा एकेडेमीका कार्यकारी प्रमुख राजेन्द्र प्रसाद कोइरालाले मेडिकल कलेजका विद्यार्थीहरुले स्वास्थ्य सम्बन्धी विषयमा एकेडेमीका विद्यार्थीहरुलाई जानकारी गराउने र अन्य खेलकुद लगायतका गतिविधिका लागि ज्ञानदा एकेडेमीको भौतिक संरचना प्रयोग गर्ने सहकार्य गरिएको बताए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
