८ साउन,वीरगञ्ज । भाषा आयोग र मधेस विश्वविद्यालयबीच भाषाको विकास र संरक्षण गर्न दुइपक्षीय सम्झौता भएको छ ।
मातृभाषा र विशेष गरी लोप हुन लागेका भाषाहरुको विकास र संक्षण, भाषा विज्ञान, भाषा नीति र सांस्कृतिक सम्बन्धी अनुसन्धान, नीति निर्माण र परिवर्तनका प्रयासहरुमा सहकार्य गर्ने सम्बन्धी सम्झौता भएको हो ।
सम्झौतापत्रमा एक अर्काबीच रहेको सीप ज्ञान तथा प्राज्ञिक र व्यावसायिक अनुभवहरु साझेदारी गरेर क्षमता अभिवृद्धि र व्यावसायिक विकासका लागि सहजीकरण गर्ने उद्देश्यले मधेस विश्व विद्यालय र भाषा आयोगबीच आज समझदारी भएको मधेस विश्व विद्यालयका उपकुलपति प्राध्यापक डाक्टर दिपक शाक्यले जानकारी दिनुभयो ।
काठमाडौ स्थित भाषा आयोगका अध्यक्ष डाक्टर गोपाल ठाकुर र मधेस विश्व विद्यालयका उपकुलपति प्राध्यापक डाक्टर दीपक शाक्यले हस्ताक्षर गर्नुभएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
