वीरगञ्ज, ४ असोज । बिहिबार सविंधान दिवसको दिन पक्राउ परेका आम जनता पार्टी र जनमत पार्टीका नेता कार्यकर्ताहरु रिहा भएका छन् ।
संविधान दिवसको दिन आजपाले संविधानको विरोध गर्दै वीरगन्जमा अन्तेष्टी यात्रा निकालेको थियो । प्रहरीले सो -यालीलाई रोक्न खोज्दा प्रहरी र आजपाका नेता कार्यकर्ताहरुबीच झडप भएको थियो ।
प्रहरीले पार्टीका केन्द्रीय सचिव बाबुराम कौशिक सहित ९ जनालाई नियन्त्रणमा लिएको थियो । उनीहरुलाई प्रहरीले विहिबार बेलुका नै रिहा गरेको हो ।
सबैलाई समझाई बुझाई विहिबार बेलुका नै घर फर्काइएको प्रहरी प्रवक्ता तथा प्रहरी नायब उपरीक्षक दिपक भारतीले जानकारी दिनुभयो । प्रवक्ता भारतीले आजपा र जनमतका केहि नेता कार्यकर्ताहरुलाई नियन्त्रणमा लिएर सम्झाई बुझाई गरेर साँझ घर फर्काइएको बताउनुभयो ।
यस्ते विहिबार सविंधान दिवसको दिन जनमत पार्टीका नेता कार्यकर्ताहरु पनि पक्राउ परेका थिए । जनमत पार्टीले सविंधान संशोधनको माग गर्दै वीरगञ्जमा प्रदर्शन गरेको थियो ।
जनमतले सविंधानको संसोधनको माग गर्दै गरेको प्रदर्शनका क्रममा प्रहरीले जनमतका जिल्ला अध्यक्ष ओम प्रकास सरार्फ लगायत ६ जनालाई नियन्त्रणमा लिएको थियो ।
प्रहरी नियन्त्रणमा रहेका जनमत पार्टीका नेता कार्यकर्ताहरुलाई पनि विहिबार बेलुका नै रिहा गरेको हो । उनीहरुलाई पनि समझाए बुझाएर छाडिएको प्रहरीको भनाई छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
