वीरगञ्ज,९ असोज । दुई दिनको कार्यक्रममा मधेस झर्नुभएका नेपाली कांग्रेसका सभापति शेरबहादुर देउवाको आज बिहानैदेखि राजनीतिक भेटघाट शुरु भएको छ । हिजो पर्सामा आउनु भएका कांग्रेस सभापति देउवा दिनभरी पटेर्वासुगौली गाउँपालिकामा निर्माण भएको आधारभूत अस्पताल उद्घाटनमा व्यस्त रहे ।
आज बिहानैदेखि नेताकार्यकर्ताहरुसँग भेटघाटमा व्यस्त हुनुहुन्छ । सभापति देउवा वीरगन्जको होटल दियालो लडर््समा बस्नु भएको छ । त्यहि मधेस प्रदेशका शीर्ष नेताहरु र जिल्ला सभापतिहरुसँग भेटघाट गरिरहनु भएको नेपाली कांग्रेस पर्साका उपसभापति रामनारायाण कुर्मीले बताए ।
देउवाले प्रत्येक जिल्लाको सभापतिसंग भेटघाट गरेका छन् । मधेश प्रदेशको पर्सादेखि सप्तरीसम्मका ८ वटै जिल्लाका सभापति तथा नेता÷कार्यकर्ता पहिलोचरणमा भेटघाट जारी छ । भेटघाटपछि अपरान्ह ३ बजे कांग्रेस पर्साको पार्टी कार्यालय रहेको आत्माराम ओझा र दुःखा सहनीको स्मृति भवनको उद्घाटन गर्ने कार्यक्रम रहेको उपसभापति कुर्मीले बताए । त्यसपछि कांग्रेस सभापति देउवा साँझ सिमरा विमानस्थलबाट राजधानी काठमाडौं फर्किनुहुने छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
