काठमाडौं ,१३ असोज । चितवनबाट यात्रु बोकेर काठमाडौंका लागि हिँडेको अर्को बस पनि पहिरोमा पुरिएको आशंका गरिएको छ । यो बसका चालक, सहचालक र कुनै पनि यात्रु सम्पर्कमा छैनन् । बस बाटोमा कतै देखिएको छैन र काठमाडौं आइपुगेको पनि छैन ।
एनबी मनकामना माई यातायात प्रालिको बस चितवनको पुल्चोकबाट यात्रु बोकेर काठमाण्डौ हिँडेको थियो । शुक्रबार दिउँसो २ बजे हिँडेको बा २ ख १३४५ नम्बरको बस सम्पर्कमा छैन ।
प्रालिका अध्यक्ष नर बहादुर रानाका अनुसार यो बसले हिँड्ने बेला काउन्टरबाट चलानी बनाएको थिएन त्यसैले यसमा कति यात्रु थिए भन्ने यकिन छैन । अपुष्ट जानकारीअनुसार बसमा १७ जना रहेको हुनसक्ने उनले बताए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
