असोज, २३ सिमरा । देशभर आएको बाढी र पहिरोका घटनाका कारण रक्तसंचार केन्द्रमा देखिएको रगतको अभाव कम गर्न सिमरामा रक्तदान कार्यक्रम सम्पन्न भएको छ । बाराको जीतपुरसिमरा २ स्थित सिमरा चोकमा आयोजित रक्तदान कार्यक्रममा आठ महिलासहित एक सय १२ जनाले रगत दान गरेका छन् ।
कार्यक्रममा जीतपुरसिमराका नगर प्रमुख राजन पौडेल, उपप्रमुख भोलाप्रसाद अधिकारी, जीतपुरसिमरा नगर उद्योग वाणिज्य संघका अध्यक्ष मोहन शर्मा, नेपाल रेडक्रस सोसाइटी सिमरा उपशाखाका अध्यक्ष शिवकुमार शर्मा, सूर्य नेपाल प्रालिका सर्विन श्रेष्ठ, मजदुर नेता बेनी तिमिल्सिनालगायत उपस्थित थिए ।
नेपाल रेडक्रस सोसाइटी सिमरा उपशाखाको आयोजना र सूर्य नेपाल प्रा।लि।को सहयोगमा कार्यक्रम सम्पन्न भएको हो । कार्यक्रममा जीतपुरसिमरा नगर उद्योग वाणिज्य संघलगायत विभिन्न संघसंस्थाले सहयोग गरेका थिए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
