११ कात्तिक,वीरगञ्ज । भोलीबाट वीरगञ्जमा पुनः ‘रात्री बजार’ लाग्ने भएको छ । अर्थतन्त्रलाई चलायमान बनाउन दिपावलीको अवसर पारेर वीरगञ्ज महानगरपालिकाले वीरगञ्जको आदर्शनगर चोकदेखि पूरानो बसपार्कसम्म भोली (सोमबार) देखि ‘रात्री बजार’ सञ्चालन गर्ने तयारी गरेको हो ।
भोलीदेखि बिहीबार लक्ष्मीपूजाको दिनसम्म दिपावली लक्षित रात्री बजार सञ्चालन गर्न लागिएको वीरगञ्ज महानगरका मेयर राजेशमान सिंहले जानकारी दिए ।
वीरगञ्ज महानगरपालिका र ग्रीन सिटी सामुदायिक प्रहरी सेवा केन्द्रको संयुक्त आयोजनामा हुन लागेको रात्री बजारमा खानाका विशेष परिकार, लत्ताकपडा, कस्मेटिक, भाडाँकुडा लगायतका सरसामानका स्टलहरु राखिनेछ ।
यसका साथै नेपाली सांस्कृतिक परम्परा झल्कने झाँकीको प्रस्तुतीका साथै दिपावली र छठ पर्वको शुभकामना आदानप्रदान कार्यक्रमसमेत आयोजना हुने मेयर सिंहका जनसम्पर्क सल्लाहकार नवराज फुयाँलले जानकारी दिए।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
