२५ कात्तिक,पर्सागढी । पर्साको पर्सागढी नगरपालिका वडा नम्बर ३ मा शनिबारदेखि शुरु भएको प्रथम विरुवागुढी नकआउट पूmटबल प्रतियोगितामा आज सिमरा युनाईटेड र बारा ११ बीच प्रतिस्पर्धा हुनेछ ।
पर्सागढी मिनी रंगशालामा शनिबार प्रतियोगिताको पर्सागढी नगरपालिकाका प्रमुख गोकर्ण पाठकले उदघाटन गरेका थिए । प्रतियोगिताको उदघाटन गर्दै उनले नगरको विकाससँगै खेललाई पनि प्राथामिकता दिएर एक वडा एक खेल मैदान निर्माणमा लागिएको बताए ।
शनिबार भएको उदघाटन खेलमा रतनपुर युनाईटेड क्लब बारा विजयी भएको छ । रतनपुर युनाईटेड क्लबले वीरगन्ज युथ एकेडेमीलाई १–० गोलले जित हासिल गरेको छ । हिजोको खेलको म्यान अफ द म्याच रतनपुर युनाईटेडका आनन्द चौधरी घोषित भएका छन् ।
पर्सागढी नगरपालिका र वडा नम्बर ३ को संयुक्त प्रायोजनमा क्लबका अध्यक्ष राजन थापाको अध्यक्षतामा भएको कार्यक्रमको उदघाटन सत्रमा वडा नम्बर ३ का वडा अध्यक्ष शुकमान तामाङले शुभकामना मन्तव्य व्यक्त गरेका थिए । कार्यक्रमको सञ्चालन सचिव बिक्रम कार्कीले गरेका थिए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
