बारा, १ मंसिर । मधेश प्रदेश भलीबल संघले बाराको जीतपुरसिमरा उपमहानगरपालिका वडा नं.–१३ पोतामा भलिबल प्रतियोगिताको आयोजना गरेको छ । प्रतियोगितामा बारा, पर्सा र सर्लाही जिल्लाको महिला र पुरुष भलिबल क्लबका खेलाडीहरुको सहभागिता रहेको मधेश प्रदेश भलीबल संघका माहासचिव रामशंकर चौधरीले जानकारी दिनुभयो ।
१० औँ राष्ट्रिय खेलकुद प्रतियोगितामा सहभागी गराउँने उदेश्यले मधेश प्रदेशका बिभिन्न ठाउँहरुबाट खेलाडी छनोट गर्ने काम भईरहेको उहाँले बताउनुभयो । त्यसै अनुरुप पोतामा खेलाडी छनोटका लागि भलिबल प्रतियोगिताको आयोजना गरिएको बताउनुभयो ।
खेलमा जित्ने टिम मात्र नभई राम्रो खेल्ने प्रदेशका महिला र पुरुष १२–१२ जना खेलाडी छनोट हुने माहासचिव चौधरीले बताउनुभयो । १० औं राष्ट्रिय खेलकुद प्रतियोगिता कर्णाली प्रदेशको सुर्खेत फागुन महिनामा हुने जनाईएको छ । यस भन्दा अगाडि मंसिर २ गते देखि राष्ट्रिय खेलकुद प्रतियोगिता सुरु गर्ने भनिएपनि तयारी पूरा नभएर स्थगित भएको थियो ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
