वीरगञ्ज ,२ मंसिर। जनमत पार्टीका राष्ट्रिय अध्यक्ष डा.सी.के.राउतको प्रमुख आतिथ्यमा धनुषाधाम नगरपालिकामा सभा र पार्टी प्रवेशको कार्यक्रम आइतवार हुन लागेको छ ।
धनुषाधाम नगरपालिकाको वडा नम्बर १ मा उपचुनाव हुन लागेको छ ।मंसिर १६ गते हुन लागेको उपचुनावको मनोनयन पत्र दाखिला गर्ने कार्यक्रम रहेको छ । धनुषाधाम नगरपालिकाको वडाअध्यक्षका लागि जनमत पार्टीले पनि उम्मेदवारी दिन लागेको छ ।कांग्रेसबाट निर्वाचित विश्वनाथ यादवको मृत्यु भएपछि उपचुनाव हुन लागेको छ ।
जनमत पार्टीका अध्यक्ष डा.राउतले शनिवार सप्तरी जिल्लाको डाकनेश्वरी नगरपालिकामा सभा गरेका थिए ।मधेश प्रदेशको ४ जिल्लामा गरी ७ वटा वडामा अध्यक्ष पदका लागि उपनिर्वाचन भइरहेको छ । रौतहट जिल्लाको ३, सप्तरी जिल्लाको २, धनुषा र महोत्तरी जिल्लाको १÷१ वटा वडामा निर्वाचन हुन लागेको छ ।
वडाको उपचुनावमा सफलता प्राप्त गर्न मधेश केन्द्रित दलका शीर्ष नेताहरु चुनावी मैदानमा उत्रेका छन् ।तर लोकतान्त्रिक समाजवादी पार्टी( लोसपा)का नेताहरु भने खासै सकृय देखिएको छैन् ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
