वीरगञ्ज,१० मंसिर । अपहरण गरी फिरौती माग गरेको आरोपमा पक्राउ परेका दुईजनालाई सात हिरासतमा राखेर अनुसन्धान गर्न पर्सा जिल्ला अदालतले अनुमति दिएको छ ।
रौतहट कटहरिया नगरपालिका वडा नं.६ बस्ने वर्ष ४१ को शेख सा महमदले आफूलाई अपहरण गरी फिरौती रकम माग गरेको व्यहोराको निवेदन जिल्ला प्रहरी कार्यालय पर्सामा दिएका थिए ।
सोही निवेदनको आधारमा अनुसन्धान गर्न खटिएको प्रहरी टोलीले अपहरित शेख सा महमदसँग फिरौती वापतको रकम लिदै गरेको अवस्थामा वीरगञ्ज १६ नगवाका ३० बर्षीय संतोष दास तत्मा र ३१ बर्षीय हरिशंकर शर्मालाई पक्राउ गरेको थियो ।
उनीहरूलाई फिरौती रकम ५० हजार नगद सहित अपहरणमा प्रयोग गरेको मधेश प्रदेश ०३–०२५ प ३९८० नम्बरको निलो २२० सीसीको पल्सर र रातो कालो रंगको बीआर ० ५ एयु ९७४५ नम्बरको बजाज कम्पनीको एनएस मोटरसाईकल सहित पक्राउ गरेको जिल्ला प्रहरी कार्यालय पर्साले दावी गरेको छ ।
पक्राउ परेकाहरुलाई पर्सा जिल्ला अदालतबाट अपहरण तथा शरीर बन्धक कसूरमा सात दिनको म्याद थप अनुमति लिइ थप अनुसन्धान गरिरहेको पर्सा प्रहरीले जनाएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
