वीरगञ्ज,२२ मंसिर । वीरगञ्ज महानगरपालिकाका मेयर राजेशमान सिंहले राजनीति वा देशको नेतृत्व कसैलेपनि विरासतमा नपाउने बताउनु भएको छ ।
वीरगञ्जको पूरानो बसपार्क स्थिति त्रिशला रेष्टुरेण्टमा आज आयोजित सानो पाईला नामक संस्थाको १८ औं स्थापना दिवस तथा छैठौं साधरणसभाको उदघाटन गर्दै मेयर सिंहले त्यसका लागि लगनशील र धैर्य भएर जनताको विश्वास जित्नुपर्ने आवश्यक रहेको बताए ।
फेसबुकिया नेताहरु देख्दा दिक्क लाग्ने गरेको बताउदै मेयर सिंहले आजको युवा पुस्तामा नकरात्मकताको सोच हाबी भएको र जायज नाजाय सबै कुण्ठा फेसुबकमै पोख्ने गरेको बताए । अरुलाई अर्ति उपदेश दिन निक्कै सहज हुने तर त्यहि कूरा आँफुमा लागू गर्न गाह्रो हुने मेयर सिंहको भनाई छ ।
फेसबुकमा गाली गरेर मात्रै वीरगञ्ज समृद्ध बन्न नसक्ने भन्दै मेयर सिंहले आफूले कुनै त्रूटी गरेको भए त्यो सच्याउन तयार रहेको बताए । आफूले गरिरहेका काम कहिकतै कमजोरी भइरहेको छ भने सही सल्लाह र सुझाव आजको युवा पुस्ताले निरन्तर दिउन् भन्ने आफूले चाहेको बताए ।
वीरगञ्जलाई ‘बैेभव वीरगञ्ज’ बनाउने आफनो अभियानमा साथ दिन उनले वीरगन्जका युवा पुस्तालाई आह्वानपनि उहाँले आह्वान गर्नुभयो । सानो पाईलाका अध्यक्ष सुदिप कुमार तामाङ लामाको अध्यक्षता तथा वीरगन्जका मेयर सिंहको प्रमुख आतिथ्यतामा भएको कार्यक्रममा सखुवा प्रसौनी गाँउपालिकाका अध्यक्ष यशवन्त यादव, सानो पाइलाका संस्थापक कञ्चन झा, वीरगञ्ज उद्योग वाणिज्य संघका बरिष्ठ उपाध्यक्ष माधव राजपाल लगायतको आतिथ्यता रहेको थियो ।
कार्यक्रममा विभिन्न संघ संस्थाका प्रतिनिधि तथा सञ्चारकर्मीहरुको पनि उपस्थिति रहेको थियो ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
