२४ पुष,वीरगञ्ज । पर्सा प्रहरीले ठूलो परिमाणमा लागु औषध गाँजासहित चार जनालाई पक्राउ गरेको छ ।
जिल्ला प्रहरी कार्यालय पर्साबाट खटेको प्रहरीको विशेष टोलीले ५० किलोग्राम लागु औषध गाँजासहित चारजनालाई पक्राउ गरेको हो । विशेष सूचनाको आधारमा प्रहरीको टोलीले वीरगञ्ज महानगरपालिकाको वडा नम्बर– २० हरपतगञ्जबाट चार जनालाई पक्राउ गरेको हो ।
कुलोको बाटो हुदै चारजना अपरिचित मानिसहरु टाउकोमा प्लाष्टिकको बोरा भित्र रातो प्लाष्टिकमा बेरीएको ४ पोका लागूऔषध गाँजा बोकी जादैँ गरेको अवस्थामा फेला पारी निजहरुलाई पक्राउ गरेका जिल्ला प्रहरी कार्यालयका प्रवक्ता किशोर लम्सालले बताए ।
पक्राउ पर्नेहरुमा पर्साको बहुदरमाई नगरपालिका–१ बिश्रामपुरका पारस यादव, बहुदरमाई नगरपालिका–१ बिश्रामपुरका मैनादिन मियाँ, बहुदरमाई–७ तिनटोलियाका अकवर मियाँ र बहुदरमाई–७ छपकैयाका शिव महतो रहेका छन् । गाँजासहित पक्राउ परेकाहरुलाई जिल्ला प्रहरी कार्यालयको हिरासतमा राखेर थप अनुसन्धान भइरेको पर्सा प्रहरीले जनाएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
