७ फागुन,वीरगञ्ज । वीरगञ्ज महानगरको मुख्य चोकमा रहेको ऐतिहासिक घण्टाघरको केही भाग भत्किएको छ । घण्टाघरको पूर्वतर्फ बीच भागको प्लाष्टर उप्किएर झर्दा वीरगञ्ज मेनरोड हुँदै सवारी आवतजावतमा समेत केहीबेर समस्या भएको थियो ।
आज दिउँसो घण्टाघरको केही भाग अचानक भत्किएपछि सडकमा सवारी साधन तथा पैदल यात्रुहरुलाई समेत आवतजावत गर्न समस्या भएको थियो ।
घण्टाघरको भत्किएको भाग भुँईमा खस्दा सडकमा हिड्नेहरुलाई पनि त्रसित बनाएको थियो । अहिले महानगरपालिकाको नगर प्रहरी आएर भत्किएको भागलाई त्रिपालले बेरेर राखेको छ ।
घण्टाघर भत्किएर थप दुर्घटनाको जोखिमबाट बचाउनका लागि महानगरपालिकाले भत्किएको भागतर्फ त्रिपालले बाँधेर राखेको छ ।
केहीबर्ष अघि पनि घण्घाटर ढल्कियो भनेर अफवाह फैलाईएको थियो । ऐतिहासिक धरोहर घण्टाघर भत्किन थालेपछि यसको संरक्षण र मर्मत सम्भारका लागि सरोकारवालाले चासो देखाउनुपर्ने आवाज उठेको छ ।
घण्टाघरमा लगाईएको घडी पनि पुनः सञ्चालनको तयारी भईरहँदा घण्टाघरको बीचको प्लाष्टर गरिएको भाग खसेको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
