वीरगन्ज, ८ जेठ । वीरगंजको रक्तसञ्चार केन्द्रमा रगतको चरम अभाव भएको छ । अत्यधिक गर्मीमा रक्तदान कम हुने र बिरामीहरुको चापले गर्दा रगतको आवश्यकता बढी हुने हुँदा रगतको चरम अभाव भएको रक्तसञ्चार केन्द्र वीरगन्जका राजन श्रीवास्तवले जानकारी दिनुभयो ।
अहिले रक्तसञ्चार केन्द्रमा सबै समूहको रगत अभाव भएको छ । उहाँका अनुसार बि पोजेटिभ, ओ पोजेटिभ, ए पोजेटिभ, एबी पोजेटिभ, एबी नेगेटिभ, बी नेगेटिभ, ओ नेगेटिभ, ए नेगेटिभ लगायतका समूहको रगत रक्तसञ्चार केन्द्रमा अभाव भएको छ ।
केन्द्रबाट प्रत्येक दिन ६० देखि ८० पोकासम्म जाने गरेको छ । तर, रगत संकलन भने न्यून हुने गरेको छ । अस्पतालमा डाक्टरहरुले ताजा रगत लिएर आउन बिरामीका आफन्तहरुलाई भन्ने गरेको र रगतका विभिन्न तत्वहरु समेत माग्ने गर्दा समस्या हुने गरेको राजन श्रीवास्तवले बताउनुभयो ।
चार पाँचजनाबाट एउटा समूहको रगत संकलन हुने गरेको तर, एउटा बिरामी चारपाँच पोकासम्म माग भईरहेको श्रीवास्तवले बताउनुभयो । रक्तदानका लागि दाता संस्थाहरुसँग समन्वय भइरहेको पनि श्रीवास्तवले बताउनुभयो ।
आउने शनिबार तीन वटा संस्थाले वीरगन्जका विभिन्न स्थानमा रक्तदानको आयोजना गर्ने भएकोले रक्तदान गरेर सहयोग गर्न पनि आग्रह गरिएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
