वीरगन्ज, १६ जेठ । वीरगन्जमा किशोरीलाई छुरा प्रहार गरेको आशंकामा एक युवकलाई पक्राउ गरेको छ ।
वीरगन्ज महानगरपालिका वडा नम्बर १३ राधेमाई टोलमा बस्दै आएकी १८ वर्षिया किशोरी माथि छुरा प्रहार गरेको आरोपमा एकजनालाई पक्राउ गरेको जिल्ला प्रहरी कार्यालय पर्साले जनाएको छ ।
पक्राउ पर्ने व्यक्तिको नाम भने प्रहरीले खुलाएको छैन । पकाहामैनपुर गाउँपालिका वडा नम्बर १ धोरे निवासी प्रिया यादवलाई छुरा प्रहार गरेर फरार भएका थिए ।
घटना मंगलबार राति करिब साढे ८ बजेको हो । छुरा प्रहारबाट घाईते भएकी यादवको उपचार वीरगन्जको तराई अस्पतालमा भईरहेको छ ।
घटनामा संलग्न रहेको आशंकामा एक युवकलाई नियन्त्रणमा लिएर सोधपुछ भईरहेको जिल्ला प्रहरी कार्यालय पर्साका प्रहरी प्रवक्ता एवम प्रहरी नायब उपरिक्षक केशर न्यौपानेले बताए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
