वीरगन्ज, २५ जेठ । मधेश सरकार निर्माणका लागि आज ५५ जनाको दाबी पेश भएको छ । एमाले–माओवादीसहितका सत्तारुढ दलको गठबन्धनले आज विहान ५५ जना प्रदेश सांसदको हस्ताक्षरसहित दाबी पेश गरेका हुन ।
प्रदेश प्रमुखले सुमित्रा भण्डारीले नयाँ सरकार गठनका लागि आह्वान गरेको समयसीमाभित्र मधेस प्रदेशमा दलहरुले मधेश प्रदेशमा दाबी पेश गरेका हुन् ।
एमाले,माओवादी, जनमत, एकीकृत समाजवादी, नेपाल संघीय समाजवादी र नागरिक उन्मुक्ति पार्टीका सांसदहरुको हस्ताक्षरसहित दाबी पेश गरिएको माओवादी प्रदेश सांसद युवराज भट्टरार्इ (समीर) ले बताउनुभयो ।
उहाँका अनुसार प्रदेश प्रमुखले सरकार निर्माण गर्नका लागि दाबी पेश आह्वान गरे अनुसार बहुमत सांसदहरुको हस्ताक्षरसहित आज दाबी पेश भएको हो ।
प्रदेश सभाबाट बुधबार मुख्यमन्त्री सरोजकुमार यादवले विश्वासको मत नपाएपछि प्रदेश प्रमुख भण्डारीले दाबी पेश गर्न आह्वान गर्नुभएको थियो ।
प्रदेश प्रमुख भण्डरीले आजै मुख्यमन्त्रीमा नियुक्त गरेर पद तथा गोपनीयताको शपथ खुवाउने तयारी गरेको प्रदेश प्रमुखको कार्यालयले जानकारी दिएको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
