वीरगन्ज, २६ जेठ । प्रहरी चौकी इनर्वाले वीरगञ्जमा आयोजना गरेको खुल्ला रक्तदान कार्यक्रममा १३१ जनाले रगतदान गरेका छन् ।
नेपालको मुख्य प्रवेशद्वार शंकराचार्य गेटमा आयोजित कार्यक्रममा २ जना महिलासहित एक ३१ जनाले रगतदान गरेका हुन् । बढ्दो गर्मीमा रक्तदान कार्यक्रममा कमी आउँदा रक्तसञ्चार केन्द्र वीरगञ्जमा भएको रगत अभावलाई मध्यनजर गर्दै कार्यक्रम आयोजना गरेको हो ।
रक्तसञ्चार केन्द्रमै रगतको अभाव भएकाले अस्पतालमा उपचार गराउन आउने बिरामीहरुलाई सहज होस् भन्ने अभिप्रायले कार्यक्रमको आयोजना गरेको प्रहरी चौकी इनर्वाका इन्चार्ज तेजप्रताप सिंहले जानकारी दिनुभयो ।
रक्तदान गर्नेहरुमा अनिशा गौतम, सीता क्षेत्री, अशोक प्रसाद यादव, सुरज सर्राफ, अजय कुमार, हेमन्त राउत, रामप्रकाश सर्राफ, निरज कुमार यादव लगायतका रहेका रक्तसञ्चार केन्द्र वीरगञ्जका राजन श्रीवास्तवले बताए ।
रक्तदान गर्नेहरुलाई प्रमाणपत्र प्रदान गरिएको थियो । कार्यक्रममा रक्तसञ्चार केन्द्र वीरगञ्जका प्राविधिकहरुले प्राविधिक सहयोग गरेका थिए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
