वीरगञ्ज ,९ कात्तिक। जिल्ला प्रहरी कार्यालय बाराले चौध किलो अबैध चाँदी सहित २ जनालाई पक्राउ गरेको छ ।
ईलाका प्रहरी कार्यालय अमलेखगंज बाराबाट खटिएको प्रहरी टोलीले आज बिहान चाँदी सहित दुईजनालाई पक्राउ गरेको हो ।
पक्राउ पर्नेमा प्रसौनी गाँउपालिका वडा नं.६ प्रस्टोका बस्ने अन्दाजी वर्ष ३३ को सन्तोष साह सोनार र जीतपुर सिमरा उपमहानगरपालिका वडा नं.८ गमरगावा टोल बस्ने अन्दाजी वर्ष २७ को सुरेश महतोको रहेका छन् ।
ना ५२ प २५८४ नं. को २२० सीसीको पल्सर मोटरसाईकलमा गईरहेका सोनारको साथबाट १६ लाख १० हजार ३२५ मूल्य बराबरको अन्दाजी ९ किलो चाँदी बरामद गरेको छ । त्यस्तै ना ५५ प ३९३२ नं. को १५० सीसी पल्सर मोटरसाईकलमा रहेका महतोको साथबाट ८ लाख ९४ हजार ६२५ रुपैंया मूल्य बराबरको अन्दाजी ५ किलो चाँदी बरामद गरेको जिल्ला प्रहरी कार्यालय बाराले जनाएको छ ।
पथलैयाबाट हेटौंडातर्फ मोटरसाईकलमा गईरहेका उनीहरुलाई शंका लागेर रोकी चेक जाँच गर्दा मोटरसाईकलको ट्याङ्की भित्र फल्स बटम बनाएर लुकाई छिपाई लगी रहेको जम्मा २५ लाख ४ हजार ९ सय ५० रूपैया बराबरको चाँदीका विभिन्न गरगहना सहित नियन्त्रणमा लिएर आवश्यक कानुनी प्रकृया अगाडी बढाईएको बाराका प्रहरी प्रवक्ता प्रहरी नायव उपरीक्षक प्रकाश सापकोटोले बताए ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
