९ मंसिर,काठमाडौं । इजरायलको आक्रमणमा गाजामा पछिल्लो ४८ घण्टामा १ सय २० जना प्यालेस्टाइनीको ज्यान गएको छ ।
इजरायलले घेरा हालेको क्षेत्रमा बमबारी तीब्र पारे सँगै २ दिनमा पनि १ सय २० जनाको मृत्यु भएको हो । हवाई आक्रमणले मध्य गाजामा रहेको नुसीरत शरणार्थी शिविरनजिक रहेको अल फारुक मस्जिदमा पनि क्षति पुगेको छ ।
सोही क्षेत्रमा आंशिक रुपमा सञ्चालित अस्पतालमा भएको आक्रमणमा स्वास्थ्य कर्मचारी पनि घाईते भएको अन्तर्राष्ट्रिय सञ्चार माध्यमले जनाएका छन् । शिविरमा समेत आक्रमण भएपछि शरणार्थीहरुको बिचल्ली भएको छ ।
खाद्यान्न र पानी अभावका कारण भोकमरीको शिकार बनेका हजारौं गाजाका सर्वसाधारण नागरिकको अवस्था नाजुक भएको समाचारमा उल्लेख छ ।एजेन्सी
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
