वीरगञ्ज,१३ कात्तिक । नेपाल मेडिसिटी वयोधा अस्पतालको आयोजनामा विश्व स्ट्रोक दिवसको अवसरमा गोष्ठी सम्पन्न भएको छ । नेपाली सेनाको श्री २८ नं फिल्ड एम्बुलेन्स, जितपुरसँगको सहकार्यमा नेपाली सेनाको ब्यारेकमा जानकारीमूलक गोष्ठी सम्पन्न गरेको हो ।
२९ अक्टोबरलाई विश्व स्ट्रोक दिवसको रूपमा मनाउँदै आएको छ । सो अवसरमा नेपाल मेडिसिटी वयोधा अस्पतालका वरिष्ठ स्नायुरोग विशेषज्ञ डा.विधान ज्ञवालीले स्ट्रोकको बारेमा जानकारी गराएका थिए । उक्त गोष्ठीमा नेपाली सेनाका ४७ जना सहभागी थिए। सहभागीहरूका अनुसार गोष्ठी अत्यन्तै जानकारीमूलक र उपलब्धीमूलक रहेको बताए ।
गोष्ठीमा गराईएको जानकारीले स्ट्रोकको जटिलता, जोखिम, तथा पहिचानबारे उचित जानकारी प्रदान गरेको र यो आपत्कालमा अत्यन्तै उपयोगी सिद्ध हुने विश्वास व्यक्त गरे । मधेश प्रदेशमा उत्कृष्ट स्वास्थ्य सेवा प्रदान गर्दै आएको नेपाल मेडिसिटी वयोधा अस्पतालले हाल स्नायुरोग विभागमा ४ जना विशेषज्ञ चिकित्सकहरूको टोली २४ सै घण्टा उपलब्ध रहेको छ।
डा. विधान ज्ञवालीले जीवनशैलीमा आएको परिवर्तन र अन्य कारणहरूले गर्दा नेपालमा स्ट्रोकको समस्या व्यापक भएको जानकारी दिए । गोष्ठीले स्ट्रोकको पहिचान र रोकथाम सम्बन्धी विस्तृत जानकारी प्रदान गरेको उनले उल्लेख गरे ।
उहाँले अन्य विभिन्न स्नायुसम्बन्धी समस्याहरू र रोगहरूबारे पनि अझै सचेतना फैलाउनु पर्नेमा जोड दिए । यस्ता प्रकारका सचेतनामूलक कार्यक्रमहरूले मधेश प्रदेशमा स्ट्रोक र अन्य स्नायुसम्बन्धी समस्याबारे जनचेतना अभिवृद्धि गराउन मद्दत पु¥याउनेमा अस्पताल विश्वस्त रहेको जनाएको छ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
