वीरगञ्ज,७ मंसिर । बाराको महागढीमाई नगरपालिका–१ बरियारपुरस्थित गढीमाई मेलामा ड्रोन उडाउन निषेध गरिएको छ ।
जिल्ला प्रशासन कार्यालय बाराले आज सुचना जारी गरि मँसिर १ गतेदेखि गढीमाईस्थित लागेको मेलामा ड्रोन उडाउन निषेध गरेको हो । पञ्चबर्षिय गढीमाई मेलालाई लक्षित गरी कुनै पनि व्यक्ति, संघ संस्थाले यस कार्यालयको अनुमति बेगर ड्रोन क्यामेरा उडान गर्न नपाइने जिल्ला प्रशासनले जानकारी दिएको छ ।
सूचनाको अवज्ञा गरी कोही कसैले ड्रोन क्यामेरा उडान गरेको पाईए ड्रोन क्यामेरा जफत गरी सम्बन्धित क्यामेराका धनी र उडानमा संलग्न व्यक्तिलाई कानुन बमोजिम कारवाही हुने पनि बाराका प्रमुख जिल्ला अधिकारी बसन्त अधिकारीले जानकारी दिए ।
ड्रोन जनित मानवरहित हवाई उपकरण उडान सम्बन्धी कार्यविधि,२०७५ बमोजिम कुनै व्यक्ति वा संस्थाले ड्रोन क्यामेरा उडान गर्ने भएमा जिल्ला प्रशासन कार्यालयबाट अनुमति लिई ड्रोन क्यामेरा उडान गर्ने सक्ने प्रावधान रहेको छ ।यसैगरि बलिको लागि प्रसिद्ध गढीमाई मेलामा पशु बलिको लागि मार हान्न प्रयोग हुने हतियारहरु खुल्ला रुपमा प्रदर्शन गर्न, बोक्न पनि रोक लगाइएको छ ।
जिल्ला प्रशासनको सुचनामा मार हान्न प्रयोग हुने हतियार जस्तै तरवार, खुँडा, खुकुरी, चक्कु जस्ता हतियारलाई खुल्ला रुपमा प्रदर्शन गर्न, बोक्न वा जनजीवनलाई हतियार देखाई आतंकित पार्न पाईने छैन ।
सुचनाको अवज्ञा गरेको पाईएमा उक्त हतियार जफत गरी त्यस्ता व्यक्ति उपर प्रचलित कानुन बमोजिम कारवाही हुने पनि प्रजिअ अधिकारीले जारी गरेको सूचनामा भनिएको छ ।पाँच बर्षमा एकपटक लाग्ने विश्व प्रसिद्ध गढीमाई मेला यस बर्ष मँसिर १ गतेदेखि लागेको छ ।
सशक्तिकरणका लागि अनुसन्धान, चेतना र संचार नेपाल (रेस–नेपाल) एक अविछिन्न , गैर राजनीतिक उद्देश्य लिएर स्थापित दिगो विकासमा समर्पित स्वशासित गैर सरकारी संस्था हो । रेस–नेपाल २०६१ सालमा जिल्ला प्रशासन कार्यालय पर्सामा दर्ता भएको हो । सामुदायिक रेडियो नारायणी एफएम १०३.८ मेगाहर्जले २०६३ कार्तिक ४ गते आफ्नो परिक्षण प्रशारण शुरु गर्यो।
